Til da tscheiver a Sumvitg, sonda ils 16 da schaner 2027
Il davos til ha giu liug igl onn 2017 a caschun dil giubileum da 30 onns Zoclas.
Igl ei aschi lunsch: La musica da tscheiver Las Zoclas festivescha 40 onns duront la sesiun da tscheiver 2027. Quei munta naturalmein: far empau fiasta.
Perquei vegn organisau la sonda, ils 16 da schaner 2027 in til da tscheiver atras Sumvitg.
Per quei eveniment encurin nus uniuns, fatschentas, classas da scola ed autras gruppas che han tschaffen da separtizipar. Ei fagess a nus grond plascher d’astgar beneventar enzacons da Vus sco gruppa mascrada.
Il til entscheiva allas 13:30 uras e meina nus atras il vitg da Sumvitg tochen sin plaz scola. Leu vegn ei a dar ustria, producziuns da Las Zoclas ed autras musicas da tscheiver envidadas e divertiment per in e scadin. La sera ha liug sco usitau nossa fiasta da tscheiver en halla.
Ord motivs organisatorics essan nus denton visai sin Voss’annunzia per la participaziun al til. Nus supplichein Vus da emplenir o il talun d’annunzia entochen ils 29 da november 2026.
Sperond sin in bi tscheiver da giubileum salida Vus
Las Zoclas Sumvitg
Contact per damondas: l.cajochen1997@gmail.com
