Tuttas novitats

Il davos til ha giu liug igl onn 2017 a caschun dil giubileum da 30 onns Zoclas. Igl ei aschi lunsch: La musica da tscheiver Las Zoclas festivescha 40 onns duront la sesiun da tscheiver 2027. Quei munta naturalmein: far empau fiasta. Perquei vegn organisau la sonda, ils 16 da schaner 2027 in til da tscheiver atras Sumvitg. Per quei eveniment encurin nus uniuns, fatschentas, classas da scola ed autras gruppas che han tschaffen da separtizipar. Ei fagess a nus grond plascher d’

In cordial beinvegni alla nova Zoclina, Jasmin Sereina Cajacob, ed als novs Zoclins, Noah Deplazes ed igl Elia Schmed, en nossas retschas dallas Zoclas. A caschun dalla raduonza generala ein els entrai en nossa musica da tscheiver. Nus fagein in grond beinvegni ad els e selegrein gia sin massa bialas fiastas ensemen cun els.

Tscheiver 2026 … e schwuups, tut ei gia alla fin! Strusch ch’ins ei sendisaus vid confettis els calzers ed ureglias che tunan lev ei il tscheiver 2026 gia historia. Ussa hai num per nus poliar ils instruments, lavar ils vestgius e deponer tut per proxima sesiun. Entochen igl atun fagein nus pausa. Mo nus turnein anavos cun dapli musica, dapli confetti e dapli canera! Has ti gust dad esser dalla partida? Lessas ti buca mo star agl ur dalla via l'auter onn mobein far musica cun

Il tscheiver 2026 s'auda tier il vargau. Mo nus havein fatg duront gl'entir tscheiver massa fotis che ti anflas cheu . Era Dario Gartmann ha accumpignau enzaconts tscheivers che nus havein astgau prender part. Cheusut anflas ils links tier ils albums, engraziel fetg per las bialas fotis! La gievgia grassa a Sedrun ha Fabio Deragisch fatg fotis. Tut las fotis da gliez tscheiver anflas cheusut. Engraziel era ad el per las bialas fotis!

Venderdis ils 13-02-2026 fagein nus tscheiver en vischnaunca Sumvitg. Program: allas 14.30 uras presentaziun avon il Volg a Sumvitg cun punsch e berliners (adatg, niev liug e novas uras!) allas 15.30 uras presentaziun avon la Casa Sogn Giusep a Cumpadials allas 17.15 uras presentaziun avon la baselgia a Surrein allas 18.15 uras presentaziun sin plaz Cadruvi a Rabius allas 21.00 uras presentaziun sin plaz Cadruvi a Sumvitg cun apero Nus selegrein sin vossa viseta. Las Zoclas,

Tscheiver a Sumvitg cun las Zoclas Sonda, ils 24-01-2026 fagein nus tscheiver a Sumvitg en halla dalla scola. allas 20:30 uras: apero e concert da monster sin plaz scola a Sumvitg allas 21:00 uras: avertura dalla halla Mascrai tenor il motto «Bauer, ledig, sucht…» survegnan ina bubronda gratuita. Nus selegrein da astgar beneventar tier nus ils Vagabunds , las Lieurs, las Latiarnas e las Grischalottas. Nus envidein vus cordialmein al «Tscheiver Sumvitg 2026» e selegrein si