Annunzia per il til da giubileum 40 onns Zoclas

Igl ei aschi lunsch: La musica da tscheiver Las Zoclas festivescha 40 onns duront la sesiun da tscheiver 2027. Quei munta naturalmein: far empau fiasta.

​

L’idea da nies comité d’organisaziun ei da saver festivar ensemen cun nossa populaziun dalla vischnaunca il giubileum. Perquei vegn organisau la sonda, ils 16 da schaner 2027 in til da tscheiver atras Sumvitg. 

​

Per quei eveniment encurin nus uniuns, fatschentas, classas da scola ed autras gruppas che han tschaffen da separtizipar. Ei fagess a nus grond plascher d’astgar beneventar enzacons da Vus sco gruppa mascrada.

 

Il til entscheiva allas 13:30 uras e meina nus atras il vitg da Sumvitg tochen sin plaz scola. Leu vegn ei a dar ustria, producziuns da Las Zoclas ed autras musicas da tscheiver envidadas e divertiment per in e scadin. La sera ha liug sco usitau nossa fiasta da tscheiver en halla..

 

Ord motivs organisatorics essan nus denton visai sin Voss’annunzia per la participaziun al til. Astgel jeu supplicar Vus da emplenir o il talun d’annunzia entochen ils 29 da november 2026.

​​

​

Contact per damondas:

Livio Cajochen

l.cajochen1997@gmail.com