Skip to main content

Historia dalla musica da tscheiver Las Zoclas Sumvitg

(Cronica naven da 1986)

1986

Entgins fanatichers (15 persunas) han dau igl emprem impuls d'ina musica da tscheiver.

  • Hermina Albrecht-Tuor
  • Corsin Degonda
  • Arno Monn
  • Rest Andriu Bearth
  • Fidel Duff
  • Eugen Monn
  • Claudio Cajacob
  • Paul Fry
  • Augustin Tuor
  • Maurus Cajacob
  • Gion Lechmann
  • Marcel Tuor
  • Urban Carigiet
  • Andreas Monn
  • Wendelin Tuor

1987

Il december 1987 ei vegniu fundau, ord entgins dils suranumnai participonts, la musica da tscheiver "Las Zoclas" cun 23 commembers sut la bitgetta da Martin Monn.

  • Rest Andriu Bearth
  • Gieri Duff
  • Martin Monn
  • Claudio Cajacob
  • Walter Duff
  • Manuela Orlik
  • Maurus Cajacob
  • Carla Flepp
  • Alice Schmidt
  • Urban Carigiet
  • Paul Fry
  • Ernst Tuor
  • Ciril Cathomas
  • Andreas Monn
  • Frena Tuor
  • Clau Degonda
  • Arno Monn
  • Thomas Wolf
  • Michel Deplazes
  • Eugen Monn
  • Marcus Flury
  • Fidel Duff
  • Gieri Monn  

Daco il num "Las Zoclas"?Il num "Las Zoclas" ei naschius ell'ustria en legra cumpignia ord pliras propostas.

Entras in inserat en la gasetta dil Coop havein saviu cumprar favoreivel ils emprems instruments (per exempel custava ina trumbetta nova, model Jupiter cun valischa frs. 170.--, total instruments per ca. frs. 2'500.--).

Demai che las finanzas eran duvradas si, ha ei dau nuot auter che zambergiar sez ils instruments da ritmica cun stgelas, lenna, aissas da lavar ect.

Per emplenir la cassa ha mintga commember activ stuiu pagar ina summa da frs. 50.--. Plinavon separticipavan Las Zoclas ad enqual occurrenza. Gia all'entschatta havein giu buns commembers passivs e sponsurs che han susteniu nossa uniun. In engraziel a tuts fauturs.

1988

Cunquei che las finanzas eran buca aschi gloriusas ha ei giu num encurir costums bienmarcau. Nies emprem vestgiu ei stau in vestgiu suren da picturs ord pupi, frs. 17.50 per toc, sprizzaus cun differentas colurs.

1989

Dapi igl onn 1989 havein nies usitau Gliendisdis Tscheiver cun premiaziun da mascras e guggas ord la regiun. Quella occurrenza gida nus a finanziar las expensas.

Ils 23 e 24 da settember 1989 essan stai a Grenchen e fatg leu gl'emprem plaz. Quei ei stau in dils puncts culminonts dalla giuvna uniun.

Naven da lu essan adina separticipai a Trun, Sedrun e Mustér ed il venderdis mintgamai cun las scolas da Sumvitg.

1992

Il tscheiver 1992 havein nus passentau cun nies niev dirigent Rest Andriu Bearth.

1997

Il giubileum da 10 onns havein festivau la dumengia da bellezi'aura cun in til atras il vitg bein ornaus.

1999

Igl onn dalla neiv gronda havein buca saviu entscheiver endretg ed era giu negina finiziun. La sera familiara che fuss stau nossa premiera sco era la finiziun a Mulhouse en Frontscha ein dadas ella neiv.

2001

Finalmein ha nossa savida en franzos tunschiu per ir en Frontscha. Suenter il tscheiver ella regiun essan stai ina fin d'jamna ad Evian. La stad havein astgau gidar ad embellir la fiasta da 100 onns ustria Cruna.

2002

Il Giohen ha ughegiau da surprender la musica che cumplenescha siu 15avel onn d'existenza.

2007

3dis20onnssur5dis quei ei stau il motto dalla fiasta da 20 onns, ina fiasta che stat a nus en buna memoria.

2009

Cun l'entschatta dalla sesiun ha il Victor Venzin surpriu la bitgetta e menau nus tras in super tscheiver!
Senza gronda canera havein menau atras per la 20avla ga il Gliendisdis Tscheiver.

2013

Cun l'entschatta dalla sesiun ha Gian Carlo Albin surpriu la bitgetta dallas Zoclas Sumvitg.

2016

Cun l'entschatta dalla sesiun 2016/2017 vegn il niev dirigent Florian Cajacob a tgamunar las Zoclas musicalmein. Fabio Tuor daventa niev president e Denis Monn suonda sco niev actuar ella suprastonza dallas Zoclas Sumvitg.